Newydd godi yma yng Nghanada a mae’n edrych fel diwrnod a hanner i’r iaith Gymraeg ar y we. Diolch i bawb sydd wedi cyfrannu i ddiwrnod Pethau Bychaid hyd yma, mae mwy i ddod, ond dyma bigion o be sy’n cael ei ddweud, a’i wneud

• Mae Chris Cope wedi atgyfodi ei flog ar gyfer Pethau Bychain
• Arfon Jones, cynghorydd Plaid Cymru wedi sgwennu cofnod ar ei flog
• Mae Iestyn ap Dafydd wedi gwendu mwy o waith ar fap “Do Something in Welsh”, sef map o lefydd i Siarad Cymraeg yng Nghymru ar gyfer dysgwyr SaySomethinginWelsh.
• Mae Mary Rose Peate wedi sgwennu cerdd serchus; Gwawrgan:

Gwawrgan

Llwyd fwyn ydy golau’r wawr uwchben y polyn llenni.
Tyner a phluog, mae o’n gadael i mi weld dy wyneb
Yn cysgu yn ffyddiog.

Dyna ddiwrnod gwahanol,
Bore arall,
Pan wnaethon ni ‘n ddeffro ein gilydd.

Ond mi fyddwn ni bob bore wedyn
Yn rhannu ’r gobaith yna
A byddi di’n estyn dy freichiau.

• Sion Glyn yn sôn am y fideo yma:

• Mae Marged Thomas, Swyddog Maes Gweinyddol, Menter Bro Ogwr wedi creu cyflwyniad ar Prezi
• Mae CrazyCymro wedi diweddaru ei sianel YouTube
• Mae Adam Jones wedi creu cofnod ar ei flog ac wedi rhoi fideo ar YouTube
• Mae Paul Richardson, cynghorydd e-ddysgu, RSC Cymru wedi sgwennu cofnod ar gyfer y diwrnod.
• Mae Marc Thomas o lleol.net wedi creu rhestr gynhwysfawr o ddarparwyr  llety sydd yn cynnig gwasanaeth Cymraeg ar wefan lleol.net

Cadewch y gwaith da i fynd, mae’n argoeli i fod yn llwyddiant mawr. Pob lwc i chi gyd!

O’r diwedd mae Medi y 3ydd wedi cyrraedd a fe gawn ddathlu diwrnod Pethau Bychain.

Mae lot o waith wedi mynd ymlaen tu ôl y lleni, nid yn unig ar greu y wefan ac App ar gyfer Pethau Bychain, ond mewn datblygu ymwybyddiaeth o’r digwyddiad. (Mae’r app yn hel y wybodaeth oddi ar y wefan, lluniau a tweets i gyd mewn un lle.) Mae gan dîm Pethau Bychain lot i fod yn falch ohonno.

Drwy’r dydd heddiw, fe fydd cofnodion yn ymddangos yma ar y wefan o be da chi wedi eu gwneud. Mae heddiw i gyd amdannoch chi a be da chi yn ei wneud. Fel sydd wedi cael ei ddweud droeon, dim rhaid i chi fod yn geek na nerd i gymeryd rhan. Just gwnewch rhiwbeth, unrhywbeth, yn y Gymraeg a’i roi ar y we.

Cofiwch ei dagio gyda pethaubychain neu #pethaubychain a fe wnawn ni ein gorau i’w ddarganfod a’i roi yma. Gwell fyth bysa danfon ebost i pb@pethaubychain.com gyda linc i’ch cynnwys a fe wnawn yn siwr ei fod yn ymddangos.

Un o’r Pethau Bychain cyntaf i ddigwydd heddiw oedd ail lawnsiad blog Rhys Llwyd. Mae Rhys wedi bod yn brysur iawn yn ail greu ei flog ac mae’r disgwyl drosodd. Da iawn ti Rhys, mae’n edrych yn dda iawn!

Mae Rhodri hefyd wedi creu AudioBoo ar gyfer y diwrnod:

Felly, pob lwc i chi gyd gyda’r dydd… welwn ni ch ar yr ochr arall…

Erbyn hyn mae App i’r iPhone ar gael ar gyfer diwrnod Pethau Bychain ddydd Gwener yma.

Mae’n rhad ac am ddim ac ar gael drwy fynd i’r linc yma: http://stwnsh.com/pbapp

Mewn ychydig dros wythnos fe fydd hi’n ddiwrnod Pethau Bychain, a falle bod rhai ohonnych yn ceisio meddwl beth i’w wneud ar gyfer y diwrnod arbennig yma. Mae na nifer o bethau y gallwch wneud. Dyma restr byr:

• Blogio yn y Gymraeg
• Creu Blog
• Ysgrifennu adolygiad o ffilm neu gerddoriaeth
• Gwneud darn o gerddoriaeth
• Gwneud fideo a’i roi ar YouTube neu Vimeo
• Trydar yn y Gymraeg
• Rhoi llun ar Flickr

Wrth gwrs mae mwy y gallwch wneud, dim ond syniadau yw rhain. I’ch cychwyn chi i ffwrdd, fe wnes i greu fideo cylflym ddoe o awr o fy niwrnod. Mae i’w wels isod.

Cafodd y syniad ei ddechrau ym mis Mawrth eleni tra roedd criw o Gymry Cymraeg yn meddwl beth i’w ‘sgwennu ar gyfer Diwrnod Ada Lovelace. Dwi’n meddwl na’r syniad oedd i gael rhywbeth tebyg ar gyfer datblygu’r iaith Gymraeg ar y we.

Mae’r syniad wedi tyfu wrth gwrs i gynnwys unrhyw beth. Ac yndi Nici, mae rhoi rhiwbeth ar Facebook yn cyfri. Pam ddim de, mae’n rhywbeth bach!

Misoedd wedyn, a dyma ni yn barod ar gyfer diwrnod Pethau Bychain, sef y 3ydd o Fedi 2010. Y peth ydi, wyt ti’n barod?

Rho dy addewid yma.