Wel, mae Diwrnod Pethau Bychain 2011 drosodd.
Diolch i bawb a gymerodd ran mewn unrhyw ffordd. Unai drwy Twitter, Facebook, Tumblr, Blog personol, fideo neu beth bynnag…
Diolch mawr i Celtes am roi Crys-T yn wobr i un person lwcus ar Facebook… Cawn wybod yr ennillydd yn fuan!
Fe fydd post yma yn fuan gyda ystadegau y digwyddiad.
Unwaith eto, diolch yn fawr i chi i gyd am gymeryd rhan, gwelwn ni chi yn 2012, Nos da!
Mae’r paratoadau wedi bod yn mynd ymlaen am y diwrnod mawr ers y diwrnod ar ôl diwrnod Pethau Bychain 2010.
Heddiw, fe gafodd bandwidth y wefan ei ddyblu o 5Gb i 10Gb ar gyfer dydd Gwener.
Wrth gwrs, fe fydd post yn ymddangos gyda ystadegau’r diwrnod ar ôl y digwyddiad, felly cedwch eich llygaid yn agored. Fedrwn ni wella ar faint o bobl gymerodd ran y llynedd?
Beth da chi am wneud ar gyfer y diwrnod? Gadewch i ni wybod!
Tri diwrnod i fynd tan Diwrnod Pethau Bychain felly roeddwn yn meddwl y byddai’n syniad da i atgoffa pobl o’r tagiau sydd i’w defnyddio ar gyfer y diwrnod.
Ar Twitter defnyddiwch #pethaubychain
Ar Flickr defnyddiwch pethaubychain
Ar YouTube defnyddiwch pethaubychain
Ar flogiau defnyddiwch pethaubychain
Ydych chi’n dechrau gweld patrwm yma?
Yn syml, lle bynnag yr ydych, rhowch pethaubychain fel tag, ac fe wnawn ni ein gorau glas i’w gael wedi ei gynnwys ar y wefan.
Dim ond 5 diwrnod sydd yna tan diwrnod Pethau Bychain 2011.
Mae amryw o gwmniau teledu wedi cysylltu eisiau gwneud cyfweliadau ynglyn ar diwrnod yn barod, ond yn anffodus dwi’n rhy bell i ffwrdd i’w gwneud nhw.
Oes unrhyw un eisiau bod yn llefarydd ar ran Pethau Bychain?
cysylltwch drwy e-bost.
Cofiwch hefyd adael eich addewid am y flwyddyn yma!
Gyda dim on 10 diwrnod i fynd tan Diwrnod Petha Bychain, rydym ni yn chwylio am rhywun i wneud PR ar ein cyfer. Angen cysylltu gyda cwmniau teledu, radio a phapurau newydd i gael y gair allan.
Fedrwch chi helpu?
Gadewch sylw yma, neu e-bostiwch post@pethaubychain.com
Diolch!
Y llynedd fe wnaeth Gareth ryddhau App ar gyfer yr iPhone i ddilyn digwyddiadau Pethau Bychain. Y flwyddyn yma, yn ogystal ag App ar gyfer yr iPhone mae app ar gyfer ffonau Android.
Y flwyddyn yma, er mwyn codi ychydig o arian ar gyfer prosiectau newydd yn y Gymraeg ar-lein, mae’n bosib hysbysebu ar wefan Pethau Bychain.
Mae’r dyddiad ar gyfer diwrnod Pethau Bychain 2011 wedi ei gadarnhau fel y 21ain o Hydref.
Cofiwch wneud y pethau bychain ar-lein ar y diwrnod
Fel cafodd ei ddweud ar Twitter yn gynharach, fe fydd gwefan newydd Pethau Bychain yn mynd yn fyw yn fuan iawn.
I’r rheini ohonnoch sy’n methu aros i weld y thema newydd, mae llun teaser i’w gael isod.
Mae genai syniad ar gyfer fideo at ddiwrnod Pethau Bychain 2011 sydd angen ychydig o gynllunio o flaen llaw. Os oes diddordeb gennych mewn cymeryd rhan, e-bostiwch post@pethaubychain.com.
Does dim rhaid actio o gwbwl!
Y mwyaf o bobl sy’n cymeryd rhan, y gorau fydd y fideo.
