Mae Blog Pethau Bychain wedi ei gwneud hi i fewn i ddeg uchaf blogiau Amatur Cymraeg Golwg360 2010.

Tipyn o gamp a dweud y gwir gan mae digwyddiad un diwrnod oedd Pethau Bychain.

Dyma mae nhw’n ddweud ar Golwg360

Rhif 10: Pethau Bychain

Yn dechnegol dim ond un diwrnod allan o’r 365 oedd y blog yma o ryw lawer o ddefnydd, sef 3 Medi. Ond yn yr un diwrnod hwnnw fe achosodd mwy o gyffro nag y mae’r rhan fwyaf o flogiau yn ei greu mewn blwyddyn.

Nod y blog oedd annog pobol i greu un peth bach ar-lein yn y Gymraeg – boed hynny ar ffurf fideo, blog, podlediad neu e-gerdd.

Fe wnaeth trigolion y rhithfro ymrwymo i wneud hynny, yn eu cannoedd, a’r canlyniad oedd un o’r dyddiau prysuraf yn hanes y we Gymraeg erioed, mae’n siŵr.

Er bod ambell i hen Scrooge wedi pigo beiau, does dim gwadu bod y diwrnod hwnnw’n llwyddiant, (er nad oedd yna effaith amlwg ar iechyd y rhithfro y diwrnod wedyn – Mr Scrooge).

Anelu am rhif uwch y flwyddyn nesaf bois!

Mae’n ddipyn o amser ers i ddiwrnod Pethau Bychain gael ei gynnal bellach, ond mae’r App yn dal ar gael.
Erbyn hyn, dwi wedi cael amser i greu gwefan syml ar gyfer App Pethau Bychain.

Mae i’w weld yma.

Gwyliwch allan am updêt yn weddol fuan!

Mae Pethau Bychain wedi ei gwneud hi ar wefan newyddion y BBC.

Yn ogystal a hyn, fe fuodd Carl Morris ar y Post Cyntaf bore ma i drafod Pethau Bychain, ac fe fuodd Rhodri ap Dyfrig ar raglen Nia.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

O’r diwedd mae Medi y 3ydd wedi cyrraedd a fe gawn ddathlu diwrnod Pethau Bychain.

Mae lot o waith wedi mynd ymlaen tu ôl y lleni, nid yn unig ar greu y wefan ac App ar gyfer Pethau Bychain, ond mewn datblygu ymwybyddiaeth o’r digwyddiad. (Mae’r app yn hel y wybodaeth oddi ar y wefan, lluniau a tweets i gyd mewn un lle.) Mae gan dîm Pethau Bychain lot i fod yn falch ohonno.

Drwy’r dydd heddiw, fe fydd cofnodion yn ymddangos yma ar y wefan o be da chi wedi eu gwneud. Mae heddiw i gyd amdannoch chi a be da chi yn ei wneud. Fel sydd wedi cael ei ddweud droeon, dim rhaid i chi fod yn geek na nerd i gymeryd rhan. Just gwnewch rhiwbeth, unrhywbeth, yn y Gymraeg a’i roi ar y we.

Cofiwch ei dagio gyda pethaubychain neu #pethaubychain a fe wnawn ni ein gorau i’w ddarganfod a’i roi yma. Gwell fyth bysa danfon ebost i pb@pethaubychain.com gyda linc i’ch cynnwys a fe wnawn yn siwr ei fod yn ymddangos.

Un o’r Pethau Bychain cyntaf i ddigwydd heddiw oedd ail lawnsiad blog Rhys Llwyd. Mae Rhys wedi bod yn brysur iawn yn ail greu ei flog ac mae’r disgwyl drosodd. Da iawn ti Rhys, mae’n edrych yn dda iawn!

Mae Rhodri hefyd wedi creu AudioBoo ar gyfer y diwrnod:

Felly, pob lwc i chi gyd gyda’r dydd… welwn ni ch ar yr ochr arall…

Erbyn hyn mae App i’r iPhone ar gael ar gyfer diwrnod Pethau Bychain ddydd Gwener yma.

Mae’n rhad ac am ddim ac ar gael drwy fynd i’r linc yma: http://stwnsh.com/pbapp

Cafodd y syniad ei ddechrau ym mis Mawrth eleni tra roedd criw o Gymry Cymraeg yn meddwl beth i’w ‘sgwennu ar gyfer Diwrnod Ada Lovelace. Dwi’n meddwl na’r syniad oedd i gael rhywbeth tebyg ar gyfer datblygu’r iaith Gymraeg ar y we.

Mae’r syniad wedi tyfu wrth gwrs i gynnwys unrhyw beth. Ac yndi Nici, mae rhoi rhiwbeth ar Facebook yn cyfri. Pam ddim de, mae’n rhywbeth bach!

Misoedd wedyn, a dyma ni yn barod ar gyfer diwrnod Pethau Bychain, sef y 3ydd o Fedi 2010. Y peth ydi, wyt ti’n barod?

Rho dy addewid yma.

Mae 10 person wedi arwyddo’r Addewid Pethau Bychain (ar hyn o bryd).

Mae pob person wedi addo i roi rhywbeth Cymraeg ar y we ar y 3ydd mis Medi 2010, e.e. cofnod blog, llun, fideo, cerddoriaeth… Diolch o galon!

Does dim rhaid i ti arwyddo’r Addewid i gymryd rhan. Ond pam lai?

(Gyda llaw, beth yw Pethau Bychain?)

Beth yw Pethau Bychain? Pryd? Pam ydyn ni’n wneud Pethau Bychain? Pa fath o bobol sy’n wneud pethau ar y diwrnod Pethau Bychain? Pob cwestiwn, pob ateb yma!

Mae sylwadau yn agor isod – os oes gen ti cwestiynau eraill.

Paid anghofio’r Addewid.