“Dwi’n gwneud addewid i greu un peth bach arlein yn y Gymraeg ar Ddydd Gwener 21ain o Hyfref 2011.

Gall y peth bach fod yn greu:

  • cofnod blog
  • fideo
  • darn o gerddoriaeth
  • podlediad
  • tudalen ar Wicipedia
  • ffansin cerddoriaeth
  • nonsens Photoshop
  • comic gwe
  • remix
  • stwnsh fideo
  • erthgyl academaidd
  • blog newyddion lleol
  • rhoi eich papur bro arlein
  • adolygiad ffilm
  • trosleisio/isdeitlo ffilm
  • sgetsh gomedi
  • drama Twitter
  • e-farddoniaeth
  • defnydd creadigol o fapiau Google
  • creu tudalen we o gwmpas eich hobi / cymdeithas
  • neu rhywbeth arall…

Yr unig beth rydyn ni’n gofyn ydi ei fod yn Gymraeg a’i fod am rywbeth sy’n cyffroi neu gorddi chi.”

“Bwriad y prosiect ydi cael mwy o bobol  i greu stwff difyr ar-lein a chynyddu’r gymuned Gymraeg ar y we. Drwy wneud un peth bach gallwch chi gyfrannu tuag at wneud y Gymraeg yn iaith fyw ar y we. Byddwch hefyd yn cael cynulleidfa fwy i’ch gwaith gan y bydd popeth yn cael ei dangos ar pethaubychain.com.”